🖋️🤍📖🖋️🤍📖
وجع
🖋️🤍📖🖋️🤍📖
واه من دمعة عين بتقع
والقلب بيشقه الوجع
والجسم هلكان متكسر
مبهدل حتى الجدع
عايش بحاله متكدر
وتنزل الدموع وتقع
ع الخد لحد ما يشبع
وتتقل الرأس وتصدع
بفكر قايد نار
من قهرته بيولع
بيتعذب ومنهار
يا صاحب الوجع
وشكوتك لله
خليك تملي جدع
استحمل الآه
لو مكنتش انت جدع
ما كان الوجع طالك
النبي نفسه اتوجع
وانت بتبكي ع حالك
هون عليك ياجدع
واللي كنت رايده و اتمنع
رحمك ربنا وصانك
ده كان شر ليك و اترفع
اصبر ع حالك
ربك عمره ما سابك
هون عليك ياجدع
وع كل صاحب وجع
- تعليق
- إعادة التدوين
-
اشترك
مشترك
ألديك حساب ووردبريس.كوم؟ تسجيل الدخول الآن.
مِنَصَّةُ الفَرِيدَةِ 