💎 مِنَصَّةُ الفَرِيدَةِ 💎
حُرُوفُكُم فَرَائِدُ
رَئِيسُ التَّحرِير
حـســــام الـــديـــن طـلـعــت
https://alharfuarraqypoem.poetry.blog/
…………………………………………………………….
مقطوع من شجرة
بِـقَــلـم الأستاذة: أسمَاء حَميد عمور 🇲🇦
زجل باللهجة المغربية
………………………………
يا لي ربيتي راها فعنقك لا تمشيش للباطل
يا لي تبنيتي راها فرقبتك لا يغركش الزمان تولي حاصل.
بنات وولاد ترباو تحت العش الحنين كان كلشي زين.
الوقت تبدلات الولد يضرب لي رباه رجع كلشي شين.
سعداتك يا فاعل الخير يالي تهليتي فالغير ايامك محسودة.
لا تحقدش يا ولدي على لي رباك راه يفنى يامو معدودة.
تكفلتي وسهرتي ودرتيهم ولادك كاين لي صدق كاين لي غدر.
تمحنتي وشقيتي على ليام البالية كلشي تبخر.
وعدك وفيتيه ياك وصلتي المراد فالليالي الباردة.
علاش الظلم ، علاش الفتنة عقولنا كانت شاردة.
ضحكتي فوق الوسادة وبكيتي شوفي كيف وليتي.
راني مشغولة عليك يا بنتي راني نعرفك قاسيتي.
شديتو ولاد ووبنات فيهم تاجرتوا، وفيهم بعتو.
لا تلوموهش ايلا انحارفو او سقطو راها يامكم لي ضيعتو.
يالي دقيتي الدروب. يالي تسنيتي المكتوب.
حياتهم بين ايديك ولا راهي يامك مشات طافية ذوب.
مِنَصَّةُ الفَرِيدَةِ 