شموع السلام
……………….
نلقَى فين حضن وسكن
لو يضيع منَّا الوطن
لمَّا نبقَى مطرودين
من ديارنا مُشرَّدين
أو نكون متقسّمين
أو عِوالة ولاجئين
………………….
الشهيد ف الجنة صاحي
دَمُّه يِنزف من جراحي
واللي عايش ف الخيام
عمره ما يعرف ينام
من دموعه وم الأنين
مين يوافق ع اللي حاصل؟
أي قــلب وأي دين؟
……………………
يا للي بالإرهاب بتظلم
كل ظالم له نهاية
وانت يا غافل تعالى
واستمع أصل الحكاية
العدو طمعان في خيرك
تنتهي؟..
ينهش في غيرك
كاس وداير
شوف مصيرك
فُوق بقى وراقب ضميرك
واصحَى للي بيحفرولك
………………….
يا شعوب الإنسانية
ياللي في كل الدّروب
ازرعوا بُستان مَحبة
واقفلوا باب الحروب
صحوا في عيون الأحبة
شمس ماتت في الغروب
عَطَّروا حروف الكلام
صَحُّوا دقات القلوب
ولّعوا شموع السلام
والأمان بين الشعوب
…………………
إلقاء.. مرام أحمد
شعر / أحمد مرسي
مِنَصَّةُ الفَرِيدَةِ 