🖋️🖋️
سوق العشم فضوه
قدمت الخير ونكروك
………
كل ال بأيدك بخسوه
ما انت فاتح للكل حضنك
………
خايب وقلبك الأبيض طعنوه
سكينة مسنونة بأسم الأهل نحروك
……….
خايف تصرخ بأعلى صوت ااه
تهز الدمع بالجفون تفتكر هيسمعوك ؟
……….
لملم جروحك واسكت دا الصبغه
لونها أسود والحبر من دلقوه صعب عليهم يجمعوه
………..
عشم مات مخضوض من الخِسه
لا قلب مخلص يحبك لكن الوف يأكلوك
………..
الغدر فاتح جناحاته بكل قوة أتوه
بعد أول ضربة مفيش غير معلشي ويدواك
………..
كل ضعيف اتعلق بالحبال الدايبة
مدندن بكل سذاجة بكرة الدنيا تروق
………..
ظنك دايما خايب بكل معانيه
وقت الشيبة مش هتلاقي غير عكازك
وكام ملطوش يسندوك
………..
أسمع صوت عقلك وبكل رواية
أطفئ أنوار القلب مايل وشورته تهد
……….
متقولش بيوم أخويا سيدنا يوسف موعظة
دا مش شعاري دا سيف بالظهر أكيد هيغير أفكارك
………..
خلاص كفاية خيال المآتة
هلهل الطير هدومه شحات وسط أرضه قال ايه بيدافع عن عرضه .
🖋️🖋️
سوق العشم فضوه..
بقلم.. الأستاذة.. زينب محمد ..
🇪🇬
جريدة الحرف الراقي ..
رئيس التحرير .. الأستاذ .. حسام الدين طلعت ..
مِنَصَّةُ الفَرِيدَةِ 