🖋️🖋️
قصيدة( صرخة مخيّم )
بقلم الشاعر المصري
أحمد إبراهيم النجار 🇪🇬..
جريدة الحرف الراقي ..
🖋️🖋️
لما يخطف موت مفاجئ
غصن الورد الجميل
لما يصرخ طفل باكى
من عيون عايشة ف أنين
🖋️🖋️
لما يخلص الوقود
لما يكتر الجحود
لما يبقى الجوع ردئ
فى مكان اللاجئين
🖋️🖋️
لما ينزل الجليد
والخيام فيها إللى مات
من سكات فيه الضمير
والضمير أصبح رفات
🖋️🖋️
بين مشرد بين جعان
من حرووووووووب
واللى خطّط ابن سام
واللى سلّح ابن سام
واللى دّرّب ابن سام
لدواعش مجرمين
🖋️🖋️
والحقيقة فيها يوشع
فيها موشي
فيها يوسي وبن رابين
و اسرق القمح اللى طالع
واحرق الأرض ومزارع
وامنع القوت القليل
🖋️🖋️
افرض حصار
وسّع دمار
واعلى بصاروخ
واقتل صغار
واصنع حروب دمّر بلاد
وابني ف حصون
ارهب وزيد
🖋️🖋️
والبداية م العراق
ودمشق واليمن
اصنع حروب
بين الدروب فتّت مُدن
وبيع سلاحك انتج وزيد
🖋️🖋️
واحصد يا موت
طفلي البرئ
وامنع وقود وقت الصقيع
وقت الجليد
🖋️🖋️
محتاج جواب ؟
🖋️🖋️
من امتى كان للطفولة ف يوم تمن ؟
من امتى كان الجوع غريب
لما الجفاف أصبح وطن ف مخيمات ؟
من امتى كان الحق واضح من سنين؟
🖋️🖋️
افرض حصار ركّع شعوب
اقتل شعوب واحرق مدن
وارهب جعان بين الدروب
مش لاقى حتى من فتات
فتات رغيف
🖋️🖋️
صرخة طفولة من حصار
ظالم قبيح
ضحكة شيطان من ابن سام
على دمعة الطفل الحزين
🖋️🖋️
صرخة دمشق والعراق واليمن
صرخة ضمير
مات فى العروبة من زمن
والحق أصبح شيء غريب
ميّت رفات
فى الجبانات
من سنين و ضميرنا مااات
🖋️🖋️
بقلم… الشاعر المصري
أحمد إبراهيم النجار 🇪🇬
جريدة الحرف الراقي ..
مِنَصَّةُ الفَرِيدَةِ 