كلمات هذه الأغنية…
تلخص الكثير من مشكلات الإنسان مع أخيه الإنسان..
وتعطي حلولا لمحاربة النفس الأمارة بالسوء، وإيذاء الغير…
تبرز معاناة الإنسان في حياة أصبحنا جميعا نلهث فيها وراء السراب، وأصبح الإنسان يعيش ويشعر اغترابا حقيقيا.
♥🧡💛💜💚♥🧡💛💜💚
هي بحق تجمع بين دموع الإنسان، والشهد الذي يشتهيه ويرغب فيه بشتى الطرق…
أغنية تؤلم النفس، وتسعدها…
قدمها… المطرب: علي الحجار.
موسيقى: عمار الشريعي.
كلمات: سيد حجاب.
♥🧡💛💜💚♥🧡💛💜💚
أغنية تتر مسلسل ( الشهد والدموع) .
🖋️🤍🖋️🤍🖋️🤍
تحت نفس الشمس
وفوق نفس التراب
كلنا بنجري ورا نفس السراب
كلنا من أم واحدة
أب واحد
دم واحد
بس حاسيين باغتراب…
🖋️🤍🖋️🤍🖋️🤍
ليه بنتغرب في دنيتنا الغريبة..
ليه نقابل كل شيء بشكوك وريبة
ده احنا لو عشنا حياتنا بصفو نية..
نجمة الحلم البعيدة تبان قريبة..
🖋️🤍🖋️🤍🖋️🤍
في زمان الغربة دورنا ياما دورنا
ريح بتهجرنا وريح تضرب صدورنا
بس طول ما قلوبنا مليانة محبة..
كل هبة ريح فينا تغرس جدورنا ..
🖋️🤍🖋️🤍🖋️🤍
ليه تفرقنا الأماني والمطامع ..
ايه يفيد المال إذا ما مال زماني..
مال تجيبه الريح ..
يروح تاخده الزوابع…
ياما فضة انفض سوقها في ثواني…
يا زمان الغربة يا ملفلف خصورنا ..
ياللي بتزووم فوق عششنا وفوق قصورنا..
طول ما بنحب الحياة ونحب ناسها
لا البذور هتبور ولا تنهار جسورنا
🖋️🤍🖋️🤍🖋️🤍
كلنا من أم واحدة
أب واحد
دم واحد
بس حاسيين باغتراب
تحت نفس الشمس
وفوق نفس التراب
كلنا بنجري ورا نفس السراب ..
🖋️🤍🖋️🤍🖋️🤍
الحقيقة نار تعيش تحت الرماد
في ضياها بهتدي لحلمي وخيالي
والمحبة تفجر الروح في الجماد
وبمحبة قلبي هقدر ع الليالي ..
🖋️🤍🖋️🤍🖋️🤍
يا زمان الغربة مهما هتكاسرنا
حلمنا هنحققه مهما خسرنا..
طول ما خيرنا لغيرنا..
حتى لو رحلنا ..
في الحياة هنمد لينا جدور مسيرنا ..
🖋️🤍🖋️🤍🖋️🤍
كلنا من أم واحدة ..
أب واحد ..
دم واحد ..
بس حاسيين باغتراب ..
تحت نفس الشمس
وفوق نفس التراب
كلنا بنجري ورا نفس السراب
كلنا من أم واحدة أب واحد دم واحد بس حاسيين باغتراب ..
🖋️🤍🖋️🤍🖋️🤍
من حنان الحب.. هل الغل جانا..
من مرارة الغل… جلجل صوت رجانا..
نبكي م الغل اللي بيعكر حياتنا..
واللا م الحب اللي هدهدنا وشجانا…؟
يا زمان الغربة ليلك بيحاصرنا ..
وف ضلامه المر طاوينا وعاصرنا..
بس طول ما الحب بيرفرف علينا ..
الجدور هنمدها ونصنع مصيرنا ..
🖋️🤍🖋️🤍🖋️🤍
كلنا من أم واحدة أب واحد دم واحد بس حاسيين باغتراب تحت نفس الشمس وفوق نفس التراب كلنا بنجري ورا نفس السراب كلنا من أم واحدة أب واحد دم واحد بس حاسيين باغترااااااب…
🖋️🤍🖋️🤍🖋️🤍
مِنَصَّةُ الفَرِيدَةِ 