بقلمى انا عزت القليوبى
♕♕عاصى ونفس اتوب♕♕
عاصى ونفسى يارب اتوب عن المعاصى عن الذنوب
كان المقدر والمكتوب غالب ولا فيه منه هروب
دلوقتى انا من خوفى بادوب. نادم ومن جوايا بتوب
عن المعاصى عن الذنوب. وانت ياعالم رب قلوب عاصى ونفسى يارب اتوب
راجع واملى ف ربى كبير يصفح وهو علينا قدير
بحال عباده عليم وخبير. والعبد مرهون بالمقدير
اسير ولا يملك تغيير. والرب ياما بيعفى كتير
ويمحى ياما ذنوب وعيوب. عن عبده لو يندم ويتوب
وبقول انا من خوغى بدوب نادم وجاي من قلبى اتوب
عن المعاصى عن الذنوب. وانت ياعالم رب قلوب عاصى ونفسى يارب اتوب
راجع وحملى ثقيل وحسيم من الخطايا وذنبى عظيم
خايف ليبقى عذابى اليم. فى يوم عصيب ولا نلقى حميم
يشفع لنا عندك ياكريم غير النبى اللى جاهه عظيم.
بجاهه ياما غفرت ذنوب. كتير وباما سترت عيوب
وانا اللى من جوايا بادوب. م الخوف وجاى من قلبى اتوب
عن المعاصى عن الذنوب. وانت ياعالم رب قلوب عاصى ونفسى يارب اتوب
بقلمى انا عزت القليوبى
١٤/٩/٢٠٢١
مِنَصَّةُ الفَرِيدَةِ 