تعالي
تعالي نرجع للماضى شويه
ونفتكر ذكرياتنا
تعالي ياسندى وضهري
ياأحن أخ وأجدع صديق
فاكر ايام طفولتنا
كان أكثرها حزن كتير
بس جوانا كان بريء وجميل
لما تبكى اخدك فى حضنى
كأنك أبنى
ودموعى تنزل قبل منك
أطبطب واداوي وانت نفس الشيء
عشنا حياتنا بحلوها ومرها
بس المر كان كتير والحمد لله دايما راضين
عدت سنين وسنين
بقيت زوجه وأم
ولسه انت ابنى إلى مخلفتهوش
حتى ناسنا وحبايبنا مستغربين
من وانتى طفله بضفاير
وانت ام لاخوكى
اصغر منه بس حنانك فاق كل الحنين
بحس بيك وتحس بيا
معايه فى حزنى قبل فرحي
ومافى حاجه تفرقنا
ياابن قلبي
انت اخويا وابويا وسندى
ومهما كانت ذكرياتنا قاسيه
هنفضل فاكرنها
عشان اجمل ما فيها انا وانت
ياهدية ابويا وأمي
دمت ليا ياسندى وضهري
وربي يسعدك ياابن قلبي
ذكرياتنا
رباب عبدالفتاح
مِنَصَّةُ الفَرِيدَةِ 