مَشْ بِيعَلق عَلَشَان حَرْفِكْ ..
بِيعَلَّقلِكْ عَلَشَان طَرْفِـــــكْ ..!
أَصْلِكْ حِلْوَة ف عِينُه وِإِشْطَة ..
هِيَّا دِي صُـورِة بُرُوفَايــــــلِكْ ..!
يِرمِي بَيَاضُــه وَيبَصْبَصــــلِكْ ..
وَانتِي يَا حِلْوَة فَاكرَة لِحَرفِكْ ..!
ويكْتِبلِكْ أَحْلَى حـُــــــــــرُوفُه ..
فِيهَا يَقُولِكْ مَا احْلَى شَفَايفِكْ ..!
عَامِلْ شَــــــاعِر وِبيتْمَحَّك ..
وهوا لَئِيم رَبِّي يِـــــــعِزِّكْ ..!
يِمْشِي وَرَاكِي خَطْوَة بِخَطْوَة ..
وِبفَهـــــــــلوتُه يَا حِلْوَة يِلفِّكْ ..!
اوْعِي يَا حِلْوَة حُرُوفُه تُغرِّكْ ..
أَصــلْ حُرُوفُه جَمِيلَة وِتِرْبِكْ ..!
مِشْ مَنشُورِكْ يِشْغِلْ بَالُه ..
يِشْــغِلْ بَالُه إِنْتِي وَخَدِّكْ ..!
يِبعَت وَردَة وِضحْكَة وبُوسَة ..
حَاجَة مُثِيرَة تِخْطَفْ قَلبِــكْ ..!
تِقفِلِي بَابِكْ يِفْضَلْ وَاقِفْ ..
مَا بِيّيأَسِّي وِيخَبّطـــــلِكْ ..!
يِمْشِي مَسَافَة مِعَاكِي يِلاطْفِكْ ..
وَكُلّ شويَّة يِغيِب يِغْـــــــمزلِكْ ..!
يِوصِفْ فِيكِي وَإنتِي سَعِيدَة ..
يِسْـــمَعْ صُوتِكْ يِتوَحَشْـــلِكْ ..!
وِتِتْفَاجْئِي فِ لَحظَة يقُولِكْ ..
أَنَا يَا حِلْـــوَة قَلْبِي فِ كَفِّكْ ..!
وِيغَنِّيلكْ وِيبُوسْ ايدِكْ ..
وَانتِي فَاكَرَة إِنُّه يِحبِّكْ ..!
حَالْ تِبْتِسمِي يِضْحَكْ يِضْحَكْ ..
يِمْسِكْ إِيــــــــــدِكْ يتسَهْوِكْلِكْ ..!
تِحِسِّي نَفسِـــــكْ إِنكْ مَايْلَة ..
وَإِن الْوَاد دَّا كَمَان يِسْتَاهلِكْ ..!
اوْعِي تِظُنِّي إِنِّكْ عَايـشَة ..
وهوا بيرقص يِتنَطـطلِكْ ..!
إِنْتِي هَــــــبْلَة وَلَّا عَـــــــبِيطَة ..
وَهُوَّا بِإيدُه يُحْــــــــــفُرْ قَبْرِكْ ..!
ما انْتِي قَاعدَة كَمَان مَبسُوطَة ..
وَإنتِي شَايــــــــفَة الْكُل يِفَبْرِكْ ..!
تِفَكَّرِي نَفسِكْ بِقِيتِي أَدِيبَة ..
مَا كُـــــلّ الدُّنيَا بِتْسَقفلِكْ ..!
تِزْعَـــلِي مِـــنُّه وَلَا كَإِنُّــه ..
يِدِّي بُلوكْ يقُـــولِك فُكِّكْ ..!
أَصْلِكْ خَايْبَة وِنَايْبَة سَعَادتِكْ ..
تِفَكَّرِي إِنُّه شَهْم وِحَـــــــــبِّك ..!
وَرَاجِلْ يِكْتِبْ حَاجَة جَمِيلَة ..
مَحَد يقُولُه يِسْــــــلَـمْ فُمَّكْ ..!
يَا مَا الدُّنيَــا هَنشُوفْ فِيهَا ..
حُب وحَرف وكَلام فِسْتِكْ ..!
أَصلْ خَلَاصْ الأَدَب اِتْهَشْتِكْ ..
هُوَّا زَمَــان الأَدَب الْمُضْـحِكْ ..!!
……………………………….
مِنَصَّةُ الفَرِيدَةِ 