انهار_عزمي

الحزن خيم والهم ملك عروق الساس
…مثل جهنم ضيقتي ياكثر حره والعذاب

حظي اعوج جمد دم الشريان والراس
…مهموم هم حلق حواليني مثيل الذباب

انهار عزمي ونبض القلب والأحساس
…وماعاد بقى شى حى لا روح ولا اعصاب

مـيت بس عايش خيال امام الناس
…بطيف عابر واحلام كذابه وعمر كذاب

لا لمس لا طعم لا شم نظر لا حواس
…وحتي السعادة صكت ابوابها باب باب

حاسس بغصه صدر تكتم الانفاس
…وضجيج وألم وفوضى مشاعر واكتئاب

كلي جروح واحزان بي مالها مقياس
…لا طب نفعها ولا هي بالسنين تنطاب

ودمعه عيوني بحر من بحور اليأس
…كلما جف غيمها جت امطارها تنساب

دنيا مالها عزيز لو كل البشر الماس
…ومن عاشها شرب سم من كفها اكواب

ساحرة لكنها تكسر ظهر اي نبراس
…كنها مسرح اوهام مخلوقه من سراب

اصعب شعور ثقتك بكل الاجناس
…وماتعلم الطعنة منهم او من القراب

جديد

الشاعر _الذيب

صدام حسين ذياب

1/9/2021