خلاص هتمشي
وهتسبني وهتبعني
أنا موافقة
بس ياريت
تبيع بتمن غالي
يحسسني بإني
كنت في حياتك شيء
خلاص ماشي
ولا حاسس
ولا داري
بقلبي اللي بينزف حب
بنبضي اللي مابيقولش
الإ حروف أسمك
خلاص ماشي
ومش شايف
دموع عيني
ومش سامع
اهة أنيني
خلاص ماشي
وهتسافر وألا تهاجر
وهتنسي
يابختك بقلبك الفاضي
خلاص إمشي
وعشان إللي باقي
مني روح ومترجعش
ولا تفكر في يوم تاني
تكون لي حبيب
تقولي هاهون
أه هتهون
زي ما أنا هنت
هرجعك غريب
زي ما كنت
وهادفن جوه قلبي
كل ما يخصك
ومش هاعمل عزاء
لحد ما أخد بتاري
وتتمحي من أفكاري
وميبقاش ليك ذكري
ولا حرف ولا كلمة
ولا فكرة
خلاص خلصت
حكايتي معاك
وخلصت سطور
الصفحة وخلصت
كل حروف الكلمات
خلاص إمشي
ومترجعش
عشان مش هابقي
أنا هي.. هابقي حد
تاني غريب عنك
متعرفوش
وهتشوف مني اللي
ماشفتوش
ولا هابكي
ولا هاحزن
تصدق بالله
كده أحسن
وجع ساعة
ولا إني أقضي
العمر كله
مخدوعة
رويدا عبد الحي
مِنَصَّةُ الفَرِيدَةِ 