قال الوليد : أنا كنت فين؟
قلت له : كنت فى رحلة… رحلة طويلة
كنت فى حشاها .
أمك دى بنتي
و انت حبيبي
تسري فى دمي
ساكن فى حضن حضني
يدق قلبي بنبض قلبك
و اشوفك بروحي قبل عيوني
أفرح و أغنى منتظرة عمري
ييجي و يملا كل سنيني
حب و براءة بتنسي همي
و خرجت ليا في يوم ميلادك
لأ… دا يوم ميلادي
أيوة ميلادي
ما أنا اكتبلي شهادة ميلادي
بنور عيونك
حعيش معاك ثانية بثانية
و يوم بيوم
يا كل فرحي وكل سعدي
يا شمسي و قمري و نوري وضلي
ما هو انت شبهي لأ أحلى مني
يا نسمة حياتي و بسمة لفؤادي
ياحتة مني من جوة وتني
يا كل روحي وكل عمري
اسمك فريد شكلك فريد
همسك فريد ضحكك فريد
وحبي ليك حتى فريد
يحميك يا غالي من كل عين
و أشوفك بتكبر وتكبر وتعلى
بين الخلايق وتبقى زين
وتاخد بإيدى تفرح سنيني
يا أعز وِلدي يا وِلد وِلدي
بقلمى الصغير
الكاتبة ا / نجلاء محمد
مِنَصَّةُ الفَرِيدَةِ 