يا غايب عني وفايتني
ابعتلي سلام طمني
طمني عليك و لو بكلمة
لسه فاكرني و اللا نستني
يا غايب عني و فايتني
تعالى داوي جرح قلبي
تعالى اروي ظمأ روحي
ابعتلي سلام طمني
انك لسه فاكرني
لسه ساكنة قلبك و روحك
لسه مالكة كل كيانك
لسه سعادتك و فرحك
لسه الدوا لجروحك
لسه الدفا لحضنك
لسه الآمان و الحنان
ابعتلي سلام طمني
إنى لسه نبض قلبك
و النفس اللي بيحيي روحك
ابعتلي سلام طمني
إن ذكرياتنا لسه عايشة
عايش بيها ومعايا
و بعدك عني غصب عنك
في انتظار رسالة و سلام
يطمن قلبي ويقويه
في انتظار رسالة و سلام
تطمن قلبي و روحي عليك
و أخيرا و ليس آخرا
يا كل عمري و سعادتي
لك مني اجمل تحية
و أجمل سلام و محبة
و أشواق وغرام من قلب
حبك بكل صدق و إخلاص
مِنَصَّةُ الفَرِيدَةِ 