كلنا صاحيين
نضحك علي
روحنا التعبانة
بنبص في
صورنا البهتانة
نبكي علي
نفسنا بدموع
سايلة من
القلب الموجوع
كلنا صاحيين
بنلف وندور
في الحلقة
دايرة مقفولة
و ملهاش مفتاح
رايحين جايين
وأيامنا تعدي
بنستني تيجي
الأفراح
ويعدي العمر علينا
و كلنا صاحيين
بندور علي بكرة
اللي مجاش
وجوانا من الأحلام
ملايين
نفسنا منهم واحد يتحقق
وجدار الحزن يتشقق
ويبان النور ويملانا الفرح
ونعيش في سرور
كلنا صاحيين..
ضاحكين باكيين
من الحنين متمزقين
..متقطعين
وحبال الشوق
واخدانا وبتطير
لمانا في أيدها
أسير
بيجر اسير
ماشين بإراده مسلوبة
بنصرخ من ضربة طوبة
خفيفة مبتوجعش
.بس إحنا
مش مستحمليين
كلنا صاحيين
وهنفضل طول
عمرنا صاحيين
بنحلم باللي غاب
ومش طالبين
كلنا صاحيين..
كلنا مساكين
بقلمي… رويدا عبد الحي
مِنَصَّةُ الفَرِيدَةِ 