اكتب حروف
مليانة خوف
تلعن وتسخط
ع الظروف
اكتب بكل قوتك
كل حاجه كسرتك
خلتك تبقي حزين
اكتب بجد
ولا يهمك
من أي حد
هما اللي بينا
عملوا السد
واحنا كنا قنطرة
نروي بذور الحب
اكتب واحكي
متخبيش
هيبان عليك
كل اللي كان
مهما حاولت
الكتمان
ده إحساس
تقدر تعزفه
علي أوتار
الكمان
أكتب كل كلامك
حبك همسك
حتي ملامك
ميهمكش
واوعي تخاف
واوعي في مرة
تمسح الحروف
حتي لو عجاف
اكتب طلع متخبيش
وأوعي تخاف
أكتب عن بردك
من غير حبيب
يكون لك لحاف
أكتب عن حرقه
قلبك ولظي شوقك
اكتب عن كل الأهداف
أكتب عني وأكتب عنك
أنت ياقلمي
ياصاحب عمري
ياجابر خاطري
يامفرحني ومبكيني
وشايل همي
أيامي وسنيني
أكتب بورد ربيعي
وصفار خريفي
اكتب عن كل
اللي فات
وأرسم نبضه
في وسط حروفك
وقول فيها
أنا عايش
رغم الأزمات
رويدا عبد الحي
مِنَصَّةُ الفَرِيدَةِ 