بأى طريقة
،،،،،،،،،،،،،،،،،،،،،،،،
مالقتش حيلة ولا وسيلة
ولا فكرة تكون جميلة
تقربنى إليك بأى طريقة
اتارى الحقيقة صعبة مستحيلة
بينى وبينك بحور عميقة
إخطار أمواج عاتيه جريئة
وأنا سفيتنى هى الحقيقة
مشاعر صادقة ودموع بريئة
القلب الجريح ياما أنتظر
شمس دافيه مافهاش هموم
قابلها ريح برد ومطر
السما الصافية بقت غيوم
الضباب مالى الكون قصادى
هنا وهناك فكل وادى
كل شئ قدامى رمادى
مش شايف أى طريقة
ماشى ومش عارف سكتى
لحد امتى الدنيا معندانى
تايه فى حياتى ودنيتى
وكمان الظروف بتتحدانى
العمر ضاع منه الشباب
وحيد غريب فالدينادى
لا اهل ولا أصحاب
ولا حبيب ساكن فؤادى
ولا عارف له طريقة
…….
بقلم..الشاعر
الأمير _محمود
مِنَصَّةُ الفَرِيدَةِ 