رغيفي
حالفين تكرهونا في حبها
ونلعن يوم وجودنا بارضها
المصونه العفيفه بعيون الولاد
لما ابوها بايده يكشف سترها
لازم تتجمع الديابه تنهش عرضها
ليه نضيع حبة الدم الباقيين
ونعري كرامة وحيا كسانا سنين
بكلمه تتقال ينكشف المستور
وعلي الرقاب الساقيه تدور
ولا فايدة من صرخة وجع وقتها
في عيونكم ليه وجودنا عاله
او يمكن صلاحيه منتهيه وكماله
في الخطه كنا ليكم مانع
والدعم علينا جهد ضايع
نبتة شيطاني لازم نعدم جذرها
عض قلبي ولا تعض رغيفي
ده اللي باقي في صحبة خريفي
بعد الكهربا والميه ده عليه الدور
عشان الحدوته تستمر وتكمل السطور
والنهاية
عود هزيل يبين للناس ضعفها
بالله ماتكرهونا تاني في حبها
مِنَصَّةُ الفَرِيدَةِ 