عوامة الحياة … بقلم …السيد حسن …

عوامة الحياة
————-+-
مع ألف مليون سلامة.
الباب يفوت ميت جمل..
على إيه بس الأيامة.
دا انت ماكنتش تحتمل..
وعليك صبرت ياما .
لحد مافقدت الأمل..
..مع ألف مليون سلامة..الباب يفوت ميت جمل..
عشت لييك طوق النجاة.
كنت عوامة الحياة..
لما كنت ف يوم غريق،
بيتعلق ف قشاية..
نقذك قلبي البرئ.
بنالك عش جوايا..
…مع ألف مليون سلامة..الباب يفوت ميت جمل…
قفلت عليك انا بمتاريس.
خوف من غدر الزمن..
ياللى بعتني بالرخيص.
عندى مابقاش لييك تمن..
دااللى يبيع حد اشتراه.
خسارة تبكى العين عليه..
واللى يندم ع اللى أذاه.
يبقى حلال الدبح فيه..
واللى جرحه يسيب علامة…
ميتسامحش مهما عمل….
….مع ألف مليون سلامة.. الباب يفوت ميت جمل….
بقلم الشاعر.
السيد حسن.
18/7/2021