ذكري
سكنتك زمان نن العين
لحد ماتاه مني الشوف
ژرعتلك الآمان في الوتين
بات نصيبي الحزن بالجوف
سلسلت ليكي كل الاوجاع
خبيت عنك طرق الضياع
فرشتلك الروح سجادة خضرة
اتعثرت خطاكي وتوهتي الف مرة
لازم يتوه القلب اللي عاش پالوحل
ده لو لمس الحرير اصله برضه الخوف
قبل مني كانت الضحكة عنك غريبة
الدمعة ساكنة الخدود تملي قريبة
اتلونت ساعاتك بعتمة الالم
سالت شفايفك باهات الندم
ولمعة الفرحه بعيونك
عاشت عمرها بكسوف
لما اتقابلت عيونا في زحمة حياتك
كنت الهامك شوفتيني طوق نجاتك
جيتك في بحور التوهه قلبك غرقان
اتشعبطتي واتمسكتي بعد ما مديت الحنان
طلعتي علي جروحي واتنسلت انا من
بين الكفوف
اخدتي من قلبي الف تار لذكري
وجعت ايامك ونسيتك انه في الحياه بكره
يومك كان بطول وسواد أنينك
روحك بغربه متحطمه كل سنينك
ولما قامت ضلوعك وقويت قلوعك
بان أصلك في كل القصايد والحروف
قلبي مدين ليكي بمليون شكر
اخدت الدرس ودوقت ازاي الغدر
باهنيكي صدقيني انتي ماتتنسيش
بادعي ربي بطول الحياه
في نفس حالي قلبك يعيش
وسط المتفرجين اكون
وفي اول الصفوف
ياللي
سكنتك زمان بنن العين
لحد ماتاه مني الشوف
وزعتلك الامان بالوتين
وبات نصيبي الحزن بالجوف
مِنَصَّةُ الفَرِيدَةِ 