انا عصفور
بعشق الطيران
مبحبش الحبس
جوه القصور
انا اعيش بحرية
فوق فرع شجرة
حتي لو الفرع مكسور
انا عصفور
بشيل رسايل
من الاحبة
وأوصلها بعلم الوصول
انا عصفور
بهاجر في سما واسعة
و أعدي بحور
و أدور علي حبايبي
واضمهم بقلبي
ولو كان جناحي مكسور
أنا عصفور
وبسبح في الفضا والنور
واغني حروف الحب
وانشر السعادة في القلب
لحد ما يجي عليا الدور
انا عصفور
وقلبي صغير
لكن بالآهات مليان
وتعبان من الخذلان
ومتأذي ومتعذب
لكني بطير
وف حبي أسير
ونفسي في يوم أتحرر
واعيش مبسوط
أنا عصفور
هاعيش وهاغني
متواضع
ومش مغرور
ياريت الناس تفهمني
ومن الهموم ترحمني
وتعرف إني بس طير
وقلبي مهما كان كبير
هو في الآخر
قلب عصفور
ميستحملش انه يبقي
في يوم مقهور
بقلمي..رويدا عبد الحي
أنا عصفور
مِنَصَّةُ الفَرِيدَةِ 